einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3682 sî sprach 'heil und unheildiu sint uns nû geschehen: der mac ich beider nû wol jehen. den schaden suln wir verclagen, des vrumen gote gnâde sagen.3687 ich hân in kurzen stunden einen rîter vunden und mîn guote salben verlorn. der schade sî durch den vrumen verkorn. niemen habe seneden muot3692 umbe ein verlornez guot des man niht wider müge hân.' hie mite was der zorn ergân. Sus twelte mîn her Îwein hie unz in diu wilde varwe verlie,3697 und wart als ê ein schœne man. vil schiere man im dô gewan daz beste harnasch daz man vant und daz schœnest ors über al daz lant. sus wart bereitet der gast3702 daz im nihtes gebrast. |