Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7678 der müese vil gerechen.
        wir wîp bedurfen alle tage
        daz man uns tumbe rede vertrage;
        wand sî under wîlen ist
        herte und doch ân argen list,
7683 geværlich und doch âne haz:
        wan wirne kunnen leider baz.
        swie ich mit worten habe gevarn,
        sô sult ir iuwer reht bewarn,
        daz ir mir iht gewalt tuot.'
7688 er sprach 'ich lâze iu iuwer guot,
        und iuwer swester habe daz ir.
        der strît ist lâzen her ze mir:
        ouch hât sich diu guote
        mit einvaltem muote
7693 sô gar her ze mir verlân:
        diu muoz ir teil ze rehte hân.
        gehellen wir zwêne in ein
        (ez giht mîn neve Gâwein
        daz er den sige verloren habe),
7698 sô kumt ir des strîtes abe
[ zurück ]