Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7972 alse sî mîn vrouwe ist.'
         Hie was grôz vreude von in zwein.
        done wart mîn her Îwein
        vordes nie alsô vrô.
        von grôzen vreuden kuster dô
7977 sîner juncvrouwen munt
        hende und ougen tûsentstunt.
        er sprach 'ir habt bescheinet
        vil wol wie ir mich meinet.
        ich vürhte sêre, und ist mîn clage,
7982 daz mir des guotes ode der tage
        ode beider zerinne
        ê ich die grôzen minne
        ze rehte umb iuch verschulden müge
        als ez dem dieneste tüge
7987 den ir mir nû habt getân.'
        sî sprach 'die angest muget ir lân:
        ir gewinnet tage und daz guot,
        het ich gedienet den muot,
        daz mir gnâde wurde schîn
7992 und sweme ir gnædec woldet sîn.
[ zurück ]