Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1672 sich, dâ verdirbestû abe.
        noch bekêre dînen muot
        und belîp: daz ist dir guot.'
         Grêgôrius sprach: 'herre,
        versuochetz niht sô verre.
1677 wolde ich gemach vür êre,
        sô volgete ich iuwer lêre
        und lieze nider mînen muot:
        wan mîn gemach wære hie guot.
        jâ tuot ez manigem schaden
1682 der der habe ist überladen:
        der verlît sich durch gemach,
        daz dem armen nie geschach
        der dâ rehte ist gemuot:
        wan der urbort umbe guot
1687 den lîp manigen enden.
        wie möhte erz baz gewenden?
        wan ob er sich gewirden kan,
        er wirt vil lîhte ein sælic man
        unde über diu lant
1692 vür manigen herren erkant.
[ zurück ]