Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2029 der zabel sêre minnet,
        swenne er daz guot gewinnet
        daz er ûf zabel wâgen wil,
        vindet er danne ein glîchez spil,
        sô dunket er sich harte rîch:
2034 und istz joch ein teil ungelîch,
        er bestâtz ûf einen guoten val.
        nû hân ich eines spiles wal,
        bin eht ich sô wol gemuot
        daz ich mîn vil armez guot
2039 wâge wider sô rîche habe,
        daz ich iemer dar abe
        geêret und gerîchet bin,
        ob mir gevallet der gewin.
        ich bin ein ungelobeter man
2044 und verzagete noch nie dar an,
        ichn gedenke dar nâch alle tage,
        wie ich die sælde bejage
        daz ich ze vollem lobe gestê.
        nu enweiz ich niht wie daz ergê,
2049 ich enwâge drumbe den lîp,
[ zurück ]