einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein7197 dehein koufman hete ir site,ern verdurbe dâ mite: dâ wurden sî rîche abe. si entlihen nieman ir habe, in enwære leit, galt er in.7202 nû sehent ir wie selch gewin ieman gerîchen mege. da entlihen sî stiche und slege beide mit swerten und mit spern: desn moht sî nieman gewern7207 vol unz an daz halbe teil: des wuohs ir êre und ir heil. ouch was ir wehsel sô gereit daz er nie wart verseit manne noch wîbe,7212 sine wehselten mit dem lîbe arbeit umb êre. sine heten nie mêre in alsô kurzen stunden sô vollen gelt vunden:7217 si entlihen nie einen slac |