einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3575 der knabe daz vil gerne tete.er hete si im elliu gegeben, wan daz der vrouwen leben dâ mite gesenftet wære: er liez ez durch ir swære. 3580 als er dô ein ros genam des in aller beste gezam, dô genâdete er im verre. er sprach: "lieber herre, nû gewert mich des ich iuch bite: 3585 dâ handelt ir mich wol mite. diu vrouwe lîdet von arbeit mit disen rossen michel leit, daz ich si vüeren müeze: der dienest ist mir süeze." 3590 Êrec sprach: "knabe, daz sult ir lân. jâ enist ez doch niht getân garwe âne sache. si muoz mit ungemache leben ze disen zîten." 3595 er sprach: "sô wil ich rîten." |