Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3602 von vreuden was im vil gâch.
        Êrec reit müezeclîchen nâch.
        nû ersach in sîn herre
        und erkande in verre,
        wan er was vür daz bürgetor
3607 gegangen: dâ saz er vor.
        vil michel wunder in des nam
        daz er sô schiere wider kam,
        und vrâgete in mære
        wes daz ros wære
3612 daz er dâ vuorte an der hant.
        vil schiere tete er im erkant
        die rede an ein ende gar.
        er sprach: "herre, nû nemet war
        wâ si zuo iu rîtent:
3617 nû enweiz ich wes ir bîtent
        daz ir nû niht zer strâze gât:
        ir missetuot ouch, ob irz lât.
        jâ muget ir an der vrouwen
        daz schœniste wîp schouwen
3622 die wir ie gesâhen.
[ zurück ]