Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Erec

4456 sus ist ez mir unmære:
        swer dîn vater wære,
        sô edelet dich dîn tugent sô
        daz ich dîn bin ze herren vrô."
        nû hete gewert dirre strît
4461 unz an die nônezît,
        den sumertac alsô lanc.
        dô Êrecke alsô gelanc,
        die genâde er an im begie
        daz er in leben lie.
4466 ûf zuhte er in bî der hant:
        den helm er im abe bant.
        er sprach: "ich enmuote mêre
        von iu deheiner êre,
        wan daz ir mir âne schamen
4471 rehte nennet iuwern namen.
        ich enmuote ze dirre zît
        wan daz ich wizze wer ir sît."
        er sprach: "herre, daz sî getân.
        ich wil iuch wizzen lân,
4476 ich bin künec über Îrlant,

[ zurück ]