einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9126 hinder sich gesâzen.die zoume wurden lâzen, und erbeizten zuo der erde. got herre, nû gewerde des künec Êreckes phlegen! 9131 wan er bestât einen degen der hât ellen unde kraft: des bin ich umbe in angesthaft. nû schieden si beide diu swert von der scheide 9136 und wurfen si umbe in der hant. hie gienc ez über der schilte rant dô si zesamene trâten. die grimmen slege si tâten. die schilte buten si dar: 9141 die wurden ouch alsô gar unz anz gestelle zeslagen, daz si ir niht mêre getragen vor den armen mohten und in ze wer niht tohten. 9146 dô wurfen si die von der hant. |