Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9334 sô volget guotem râte
        und saget mir vil drâte
        von wanne ir sît oder wer,
        und dar zuo swes ich vürbaz ger."
        sus antwurte im der rôte man:
9339 "iuch triuget diu rede, wan dâst niht an.
        swie ir mir habet an gesiget
        und mit gewalte obe liget,
        ich wil ê werden erslagen,
        ir enmüezet mir sagen
9344 wer ir sît oder welher hande.
        jâ mac mir disiu schande
        von selhem manne sîn geschehen
        dem nimmer siges wirt gejehen
        und daz ich mich ê tœten lân.
9349 hâtz ein unadels man getân,
        sô enwolde ich durch niemen leben.
        hât aber ez mir got gegeben
        daz irs wert von gebürte sît,
        sô geruochet lâzen den strît,
9354 wan sô tuon ich iu sicherheit
[ zurück ]