einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1816 alsus rûmde er daz stat.swie sêre sî gescheiden diu tugent under alter und under jugent so ergie doch von in beiden ein jæmerlîchez scheiden.1821 si enmohten der ougen ein ander niht verlougen unz si sich vor dem breiten sê enmohten undersehen mê. Nû bôt der ellende1826 herze unde hende ze himele und bat vil verre daz in unser herre sande in etelîchez lant dâ sîn vart wære bewant.1831 er gebôt den marnæren daz si den winden wæren nâch ir willen undertân und daz schef liezen gân swar ez die winde lêrten1836 und anders niene kêrten. |