einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1919 dâ si stuont an ir gebete,als si ze allen zîten tete, ez benæme ir slâf oder maz. Nû riet der wirt dem gaste daz daz er ir truhsæzen bat1924 daz er in bræhte an die stat dâ er si möhte gesehen. daz lie der truhsæze geschehen. er nam in eines tages sît vruo in einer messezît1929 und vuorte in an sîner hant dâ er si an ir gebete vant und lie in si wol beschouwen. der truhsæze sprach zer vrouwen: 'vrouwe, grüezet disen man,1934 wande er iu wol gedienen kan.' vür einen gast enphie si ir kint: ouch was sîn herze dar an blint und im unkunt genuoc daz in diu selbe vrouwe truoc.1939 Nû sach si in vlîzeclichen an |