einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3639 ez ist der sêle noch gespart:ichn genieze danne dirre vart die ich her mit triuwen hân getân, sô sol ichs vol ze buoze stân. darnâch volgte ich iuwer bete,3644 wan daz ichz in hônschaft tete: ich brâhte iuch ûf disen stein. alsus beslôz ich iuwer bein und warf den slüzzel in den sê. ichn gedâhte an iuch niemer mê3649 unz gester mîn sündigiu hant den slüzzel in einem vische vant. daz sâhen die herren wol, ob ichz mit in erziugen sol.' Er entslôz die îsenhalten.3654 dô teilten die alten mit im ir phäflîchiu kleit; und als er an wart geleit, dô vuorten si mit in dan disen sündelôsen man3659 ab dem wilden steine. |