einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius623 ouch râte ich iu den selben muot.'der rât dûhte si beide guot und volgeten alsô drâte sînem guoten râte. Dô die herren über daz lant628 ze hove wurden besant, dô si vür kâmen und ir herren vernâmen, sîner bete wart gevolget sâ. dem alten bevalh er dâ633 sîne swester bî der hant. sus gedâhte er rûmen sîn lant. den schaz den in ir vater lie, der wart mit ir geteilet hie. Sus schieden si sich beide638 mit grôzem herzeleide. enheten si niht gevürhtet got, si heten iemer der werlde spot geduldet vür daz scheiden. man möhte von in beiden643 dâ grôzen jâmer hân gesehen. |