einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6482 dar nâch gap sî im anwîze lînwât reine, geridiert harte cleine, und ein samîtes mantellîn: dar under was härmîn,6487 als ez ob hemde wol stât. des rockes heter wol rât, wand ez ein warmer âbent was. an ein daz schœneste gras daz sî in dem boumgarten vant,6492 dar vuorte sî in bî der hant, und sâzen zuo ein ander. alrêrst dô bevander daz bî ir wünneclîcher jugent wonte güete und michel tugent.6497 er jach daz man an kinde niemer mêre vinde süezer wort noch rehter site: sî mohte nâch betwingen mite eines engels gedanc,6502 daz er vil lîhte einen wanc |