Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

980 swâ er ieman lêren sol
      tugent oder êre,
      daz er im die lêre
      mit zühten vor trüege;
      daz wære iedoch gefüege.
985 nû strâfest dû mich als dînen kneht.
      ez was ie under friunden reht
      daz sî scheltwort vermiten
      unde mit vil guoten siten
      zuo ein ander giengen
990 und sich bî handen viengen;
      swaz einem an dem andern war,
      daz sagete er im vil gar
      und bat in ez mîden.
      daz möht ein friunt erlîden,
995 unde was er danne ein man
      der ie guoten sin gewan,
      sô meinete er ez ie alsô
      und verstüende sich der triuwen dô
      daz er ez im riete âne haz.
1000 daz selbe zæme ouch dir baz

[ zurück ]