Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4616 sorget umb ir êre,
        unde mantes als sî kunde
        mit gebærde und mit munde,
        daz man sî ledeget enzît.
        der hof enwart vor des noch sît
4621 sô harte nie beswæret:
        doch wârens unerværet
        die sî dâ vüeren sâhen.
        dâ wart michel gâhen:
        ez rief dirre und rief der
4626 'harnasch unde ors her:'
        und swer ie gereit wart,
        der jagte nâch ûf die vart.
        sî sprâchen 'es wirt guot rât,
        sît erz uns sô geteilet hât:
4631 er vüeret sî unverre,
        ezn sî daz unser herre
        mit im wider uns sî.'
        dô sprach der herre Keiî
        'in beschirmt der tiuvel noch got,
4636 der uns disen grôzen spot
[ zurück ]