einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8737 kæme er dar in gegangen,er müeste ir dâ vergezzen. des obezes mohte man ezzen swie vil oder swâ er wolde: er muoste unde solde 8742 daz ander dâ belîben lân. ez was dar umbe alsô getân, ez enmohte niemen ûz getragen. hœret ir iht gerne sagen wâ mite der boumgarte 8747 beslozzen wære sô harte? ich weiz wol daz unmanec man den list ze disen zîten kan dâ mite diz was getân. man sach ein wolken drumbe gân 8752 dâ niemen durch mohte komen, wan als ir habet dâ vernomen. nû reit der wirt selbe vor in gegen dem boumgarten hin, daz er in wîste an die stat 8757 zuo dem ritter als Êrec bat, |