Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1717 erwirbe guot und êre,
        des prîset man mich mêre
        dan dem sîn vater wunder lie
        und daz mit schanden zegie.
        wes bedarf ich mê danne ich hân?
1722 mîn ors sint guot und wol getân,
        mîn knehte biderbe unde guot
        und hânt getriulîchen muot,
        sô bin ich ze harnasche wol:
        swâ man guot bejagen sol,
1727 da getrûwe ich harte wol genesen.
        diz sol der rede ein ende wesen:
        herre, iuwern gnâden sî genigen
        und des mit hulden verzigen
        daz ich iht langer hie bestê.'
1732 'Sun, sô enwil ich dich niht mê
        sûmen vür dise vrist
        (ich sihe wol daz dir ernest ist),
        swie ungerne ich dîn enbir.
        lieber sun, nû ganc mit mir:
1737 wan ich wil dich sehen lân
[ zurück ]