Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2369 daz er sô grôzen kumber treit
        den er noch nieman hât geseit.
        sît er disses landes phlac,
        so enlie er nie deheinen tac
        er engienge ie wider morgen
2374 eine und verborgen
        in die kemenâten,
        vreude wol berâten:
        swie vrœlich er dar in gie,
        sô schiet er doch ze jungist ie
2379 her ûz vil harte riuwevar.
        doch genam ichs nie sô rehte war
        als ich hiute hân getân.
        dô ich in sach dar in gân,
        dô stal ich mich mit im dar in
2384 und barc mich dâ unz daz ich in
        und alle sîn gebærde ersach.
        ich sach in grôzen ungemach
        von unmanlîcher klage begân
        unde vor ime hân
2389 ein dinc dâ an geschriben was.
[ zurück ]