einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2443 daz er mich ie dehein geschiht,si züge ze vreuden oder niht, verswige, des was ich ungewon und bin wol gewis dâ von daz er mir diz ungerne saget.'2448 'Nû râte ich iu wol', sprach diu maget, 'daz ir ez harte wol ervart und doch sîn hulde bewart. dâ ich in dâ stânde sach klagende sînen ungemach,2453 die stat marhte ich harte wol, als ich si iu zeigen sol. dô er geweinde genuoc und sich zen brüsten gesluoc, daz er dâ vor im hâte2458 daz barc er alsô drâte in ein mûrloch über sich. die selben stat die marhte ich. muget ir des erbîten (er wil doch birsen rîten),2463 vrouwe, sô vüere ich iuch dar |