einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3271 er emphie si baz dan den gastdem des guotes gebrast, Grêgôrium den reinen man: in dûhte da enwære niht nutzes an. Dô si gewunnen guoten gemach,3276 der vischære zuo den gesten sprach: 'mir ist harte wol geschehen, sît ich hie solde gesehen alsô guote liute: ich hân gevangen hiute3281 einen harte schœnen visch.' sus wart er ûf einen tisch vür die herren geleit. nu enhâte er niht misseseit: wande er was lanc unde grôz,3286 des er vil gerne genôz an den phenningen. dâ wart ein kurzez dingen: si hiezen in im gelten sâ. nû bâten si in dâ3291 den wirt selben gellen. |