Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ę | g | h | i | î | j | k | l | m |
| n | o | ô | ś | p | q | r | s | t | u | ü | ű | w | z |

[ zurück ]

Gregorius

481 wande ez an unser missetât
      deheiner slahte schulde hât.'
       Nu begunde sîn herze wanken
      in manigen gedanken.
      ein wîle er swîgende saz.
486 er sprach: 'swester, gehabe dich baz.
      ich hân uns vunden einen rât
      der uns ze staten gestât
      ze verhelne unser schande.
      ich hân in mînem lande
491 einen harte wîsen man
      der uns wol gerâten kan,
      den mir mîn vater ouch beschiet
      und mir an sîne lęre riet,
      dô er an sînem tôde lac,
496 wande er ouch sînes râtes phlac.
      den neme wir an unsern rât
      (ich weiz wol daz er triuwe hât)
      und volge wir sîner lęre:
      sô gestât unser ęre.'
501 Diu vrouwe wart des râtes vrô.

[ zurück ]