einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich179 daz hôrte er ungerne und vuor engegen Salerne und suochte ouch dâ durch genist der wîsen arzâte list. den besten meister den er dâ vant, 184 der sagete im dâ zehant ein seltsæne mære, daz er genislich wære und wære doch iemer ungenesen. dô sprach er: >wie mac daz wesen? 189 diu rede ist harte unmügelich. bin ich genislich, sô genise ich; wan swaz mir vür wirt geleit von guote ode von arbeit, daz trûwe ich volbringen.< 194 >nû lât den gedingen< sprach der meister aber dô, >iuwer sühte ist alsô -waz vrumet daz ich ez iu kunt tuo?- dâ hœret arzenîe zuo, 199 der wæret ir genislîch. |