einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich918 sît ez alsus umbe iuch stât daz man iu gehelfen mac, ichn gesûme iuch niemer tac. herre, ir hât uns doch gesaget, ob ir hetet eine maget 923 diu gerne den tôt durch iuch lite, dâ soldet ir genesen mite. diu wil ich weizgot selbe sîn. iuwer leben ist nützer dannez mîn.< Do genâdete ir der herre 928 des willen harte verre und ervolleten im diu ougen von jâmer alsô tougen. er sprach: >gemahel, ja enist der tôt iedoch niht ein senftiu nôt, 933 als dû dir lîhte hâst gedâht. dû hâst mich des wol innen brâht, möhtestû, dû hülfest mir. des genüeget mich von dir. ich erkenne dînen süezen muot, 938 dîn wille ist reine unde guot, |