Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6261 wan besliuzestû vaste dîn tor?
        zewâre, und wære ich dâ vor,
        ich wolde doch her wider in.
        daz ich zuo dir gegangen bin,
        daz ist durch vrâgen getân.
6266 vriunt, dû solt mich wizzen lân,
        wie stâtz um disiu armen wîp?
        in sint die site und der lîp
        gestalt vil wol diu gelîch,
        wæren sî vrô und rîch,
6271 sî wæren harte wol getân.'
        der vrâge hiez er sich erlân,
        er sprach 'ich sag iu ein bast.
        wænet ir niht, her gast,
        daz mich iht betrâge
6276 iuwer müezegen vrâge?
        ir verlieset michel arbeit.'
        der rîter sprach 'daz ist mir leit'
        und gie lachende dan,
        als der sich mittem bœsen man
6281 mit worten niht beheften wil:
[ zurück ]