Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6698 sold er uns mit iu bestân,
        sô wæren zwêne wider zwein.'
        dô sprach mîn her Îwein
        'mîn lewe vert mit mir durch daz jâr:
        ich enheize in vür wâr
6703 niemer von mir gân
        und sihe in gerne bî mir stân.
        ichn vüer in durch deheinen strît:
        sît ab ir mir erbolgen sît,
        von swem iu leide mac geschehen,
6708 daz wil ich harte gerne sehen,
        von manne ode von tiere.'
        do bewâgen sî sich schiere,
        sin gevæhten niemer wider in,
        ern tæte sînen lewen hin.
6713 dô muoser sînen lewen lân:
        der wart dâ in ein gadem getân,
        dâ er wol durch die want sach
        den strît der in dem hove geschach.
         Die zwêne ungevüegen man
6718 die huoben in den strît an.
[ zurück ]