Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6196 daz ich âne wîp bin.
        nû rætet vaste mir mîn sin
        daz ich si ze wîbe neme.
        mich dunket daz si wol gezeme
        ze vrouwen über mîn lant.
6201 ich hân kurze an ir erkant,
        si ist mir genuoc wol geborn.
        ouch hât si mir erkorn
        mînes herzen rât ze wîbe.
        nû bite ich daz ez belîbe
6206 in iuwerm râte âne haz,
        vil gerne wil ich immer daz
        umbe iuch verschulden unz ich lebe,
        daz ez iu âne widerstrebe
        gelîche allen wol gevalle."
6211 nû rieten si imz alle.
        des râtes was der grâve vrô.
        vrouwen Ênîten trôste er dô
        vlîzeclîche unde wol,
        sô man den vriunt nâch leide sol.
6216 er sprach: "wünneclîchez wîp,
[ zurück ]