Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9418 und swie deheiner slahte guot
        sô sêre ringe den muot
        sô dâ liep bî liebe lît,
        als ir und iuwer wîp sît,
        sô sol man wærlîchen
9423 den wîben doch entwîchen
        ze etelîcher stunde.
        ich hân ez ûz ir munde
        heimlîchen vernomen
        daz hin varn und wider komen
9428 âne ir haz mac geschehen.
        swie sis niht offenlîche jehen,
        si wellent daz man in niuwe sî
        und niht ze allen zîten bî.
        ouch zæme disiu vrouwe baz,
9433 diu disiu jâr hinne saz,
        under anderen wîben.
        wie ir mohtet belîben
        ein alsô wætlîcher man,
        wie mich des niht verwundern kan!
9438 wan bî den liuten ist sô guot.
[ zurück ]