Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6067 ich kiuse bî dem boten wol
        wie man die vrouwen weren sol.
        ich tuon vil gerne swes sî gert,
        sô verre mich der lîp gewert.
        nû rîtet vür und wîset mich:
6072 swar ir mich wîset, dar var ich.'
         Sus wart der bote enpfangen,
        und was vil gar zergangen
        ir zwîvellîchiu swære.
        vil manec wehselmære
6077 sagetens ûf ter heide:
        sus vertriben sî beide
        mit niuwen mæren den tac.
        nû sâhen sî wâ vor in lac
        ein burc ûf ter strâze,
6082 den liuten wol ze mâze
        die herbergen solden,
        als ouch sî gerne wolden.
         Diu burc stuont besunder,
        und ein market darunder:
6087 dâ kâmen sî in geriten.
[ zurück ]