einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec1257 daz iu nieman sagetdaz er dehein schœner habe gesehen, muoz er der wârheite jehen." von disen mæren wurden dô vil herzenlîche vrô 1262 Artûs und diu künegîn und lobetens unsern trehtîn, daz im alsô jungen sô schône was gelungen und im sîn êrstiu ritterschaft 1267 mit lobelîcher heiles kraft iedoch alsô gar ergie: wan er begundes vor nie. oder ez wære gar ein nîdære, 1272 sône truoc im dâ niemen haz. ezn wart nie man geminnet baz von einem ingesinde, wan er hetez von kinde umbe si gedienet sô 1277 daz si des alle wâren vrô. |