einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich414 swie bœse er ist der mich gesiht, des bœser muoz ich dannoch sîn. sîn unwert tuot er mir schîn: er wirfet diu ougen abe mir. nû schînet alrêst an dir 419 dîne triuwe die dû hâst, daz dû mich siechen bî dir lâst und von mir niene vliuhest. swie dû mich niht enschiuhest, swie ich niemen liep sî wan dir, 424 swie vil dîns heiles stê an mir, du vertrüegest doch wol mînen tôt. nû wes unwert und wes nôt wart ie zer werlte merre? hie vor was ich dîn herre 429 und bin dîn dürftige nû. mîn lieber vriunt, nû kôufestû und mîn gemahel und dîn wîp an mir den êwigen lîp daz dû mich siechen bî dir lâst. 434 des dû mich gevrâget hâst, |