Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7299 diu süeze, diu guote,
        diu suoze gemuote,
        diu niuwan süezes kunde,
        mit rôtsüezem munde
        lachte sî die swester an.
7304 sî sprach 'ê ein sus gêret man
        den tôt in mînem namen kür
        ode sîn êre verlür,
        mîn lîp und unser beider lant
        wæren bezzer verbrant.
7309 ziuch dich mit guotem heile
        ze mînem erbeteile.
        dir sî verlâzen âne nît
        beide lant unde strît.
        deiswâr sît ichs niht haben sol,
7314 ichn gan es niemen alsô wol.
        heiz den kampf lâzen sîn:
        ir leben ist nützer danne daz mîn.
        ich bin noch baz ein armez wîp
        danne ir deweder den lîp
7319 durch mich hie sül verliesen.
[ zurück ]