einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage110 dâ mite hân ich sî verlorn,des genüzze ein man der sælde hât. ir muot ze fremder wîse stât, mit übel giltet sî mir guot; dâ ist daz reht niht wol behuot.115 hæte sî mich doch als ê, sô gerte ich aller gnâden mê; sît ich nû hân engolten des die geniezen solten den nâch ir werken wol geschiht,120 so enwil ich mînes heiles niht. Friunt, wan ich die niht schelten sol der al diu werlt sprichet wol, sô sagete ich ze mære daz sî diu wirsest wære125 der ich ie künde gewan, wan si mir ir guotem friunde erban daz ich vil gar âne ir schaden mîner swæren bürde würde entladen, und mich in ir dienest næme130 als guotem wîbe wol gezæme, |