einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage582 daz ich dir riet an daz wîp.daz hân ich weizgot getân; wan ich weiz daz wol âne wân, als mir mîn selbes sin verjach, do ich sî durch dîniu ougen sach,587 daz niht bezzers möhte sîn. ich riet dirz durch den willen dîn; war umbe wîzest dû mir daz? wie moht ich dir êre geben baz? nû wis dar nâch veile;592 ez muoz dir komen von heile ob sî dîn dienest twinget daz dir an ir gelinget, sô wirst dû der sæligiste man der in der werlte ie liep gewan.597 dû maht dich gerne wâgen an nützez râtfrâgen nâch alselher êre, der dû iemer mêre von schulden muost gewert sîn,602 dû und ich, daz herze dîn. |