einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7627 unde bitet si gânûz ze iuch an den sant: dâ werdent si iu erkant. hilfet danne daz niht, daz aber lîhte geschiht, 7632 sô suochet selbe den grunt: dâ werdent si iu danne kunt mit grôzem schaden, mit lützelm vrumen. nû râte ich mînen vriunden sumen daz si die niugerne lân 7637 und hie heime bestân. swes ein man wol allen tac sô rehte lîhte engelten mac und nimmer niht geniezen, des lât iuch, vriunt, erdriezen. 7642 dâ stuont ouch daz dritte bî. vrâget ir waz daz sî? der luft in sîner ahte. die vogele maneger slahte swebeten dar inne, 7647 geweben mit selhem sinne, |