Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2861 urloubes gerte er sâ
        von dem künege Artûse
        ze rîten heim ze hûse
        in sînes vater lant:
        daz was Destregâles genant.
2866 des mohte in dunken grôziu zît:
        wan er was dar niht komen sît
        daz er was ein kindelîn.
        wie möhtes baz zît sîn?
        als im dô ze muote wart
2871 umbe die heimvart,
        dô nam er an sich
        sehzec gesellen, die er gelich
        zuo ime kleite
        unde wol bereite.
2876 die vuorte der tugenthafte man
        zuo geselleschefte dan.
        sînen boten er sande
        vor hin heim ze lande,
        derz sînem vater tæte kunt.
2881 ouch rante er dâ ze stunt
[ zurück ]