Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5492 er sprach 'vrouwe, nein ich noch:
        ich muoz ir hulde ê haben baz.'
        sî sprach 'nû saget mir doch daz,
        wie sît ir selbe genant?'
        er sprach 'ich wil sîn erkant
5497 bî mînem lewen der mit mir vert.
        mirn werde ir gnâde baz beschert,
        sô wil ich mich iemer schamen
        mîns lebens und mîns rehten namen:
        ich wil mich niemer gevreun.
5502 ich heize der rîter mittem leun:
        und swer iu vür dise tage
        iht von einem rîter sage
        des geverte ein lewe sî,
        dâ erkennet mich bî.'
5507 Diu vrouwe sprach 'wie mac daz komen
        daz ich von iu niht hân vernomen
        und daz ich iuch nie mê gesach?'
        der rîter mittem lewen sprach
        'daz iu von mir niht ist geseit,
5512 daz machet mîn unwerdekheit.
[ zurück ]