Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5883 sî sprach 'nû saget mir wer diu sî.'
        sî sprâchen 'si ist hie nâhen bî,
        ein juncvrouwe, heizt Lûnete:
        diu stât an ir gebete
        in der kapellen hie bî:
5888 dar rîtet unde vrâget sî.
        swes iu diu niht gesagen kan,
        des bewîset iuch hie nieman.'
         Dô sî sî vrâgende wart
        ob sî iht weste sîne vart,
5893 dô hiez ir vrou Lûnete,
        diu gerne höveschlîchen tete,
        ir pfärit gewinnen.
        sî sprach 'ich wil von hinnen
        mit iu rîten an die stat
5898 dar er mich mit im rîten bat,
        dô er hie vür mich gestreit
        unde ûz disem lande reit.'
        alsus bewîste sî sî dar
        und sprach 'vrouwe, nu nemet war,
5903 an dirre stat dâ liez ich in:
[ zurück ]