Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1515 'Sun, dîn rede enist niht guot:
        durch got bekêre dînen muot.
        swer sich von phaffen bilde
        gote machet wilde
        unde ritterschaft begât,
1520 der muoz mit maniger missetât
        verwürken sêle unde lîp.
        swelh man oder wîp
        sich von gote wendet,
        der wirt dâ von geschendet
1525 und der helle verselt.
        sun, ich hete dich erwelt
        ze einem gotes kinde:
        ob ich ez an dir vinde,
        des wil ich iemer wesen vrô.'
1530 Grêgôrius antwurte im dô:
        'ritterschaft daz ist ein leben,
        der im die mâze kan gegeben,
        sô enmac nieman baz genesen.
        er mac gotes ritter gerner wesen
1535 danne ein betrogen klôsterman.'
[ zurück ]