einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich682 sît ich nû sêle unde lîp von iuwern genâden hân, sô lâtz an iuwern hulden stân daz ich ouch diu beide von dem tiuvel scheide 687 und mich gote müeze geben. jâ ist dirre werlte leben niuwan der sêle verlust. ouch hât mich werltlich gelust unz her noch niht berüeret, 692 der hin zer helle vüeret. nû wil ich gote gnâde sagen, daz er in mînen jungen tagen mir die sinne hât gegeben daz ich ûf diz brœde leben 697 ahte harte kleine. ich wil mich alsus reine antwürten in gotes gewalt. ich vürhte, solde ich werden alt, daz mich der werlte süeze 702 zuhte under vüeze, |