einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6626 ein vrouwe sol einen herren nemen:ouch vind ich ein wîp wol, swenn ich wîp nemen sol, dâ mir mîn mâze an geschiht. ichn ger iuwer tohter niht.6631 ouch enwil ich niemer mînen lîp gewâgen umbe dehein wîp sô gar ûz der mâze daz ich mich slahen lâze sô lasterlîchen âne wer:6636 wan zwêne sint iemer eines her. sold ich joch einen bestân, dâ müese ich angest zuo hân.' Dô sprach der wirt 'ir sît verzaget. daz ir mir iuwer krankheit saget,6641 ich weiz wol wâ von daz geschiht. irn wert iuch mîner tohter niht, niuwan durch iuwern zagen muot. nû vehtent: daz ist alsô guot: wanz ensî daz diu wer iuch ner,6646 sî slahent iuch âne wer.' |