einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9709 von liebe und ouch von leideund geselleten sich dâ mite nâch wîplîchem site. von lande und von ir mâgen begunden si dô vrâgen 9714 und sich mit rede engesten und sageten swaz si westen. ze künde rechenten si sâ daz si genifteln wæren nâ. nû wie möhtez næher sîn? 9719 sît daz der herzoge Îmaîn, der herre von Tulmein, vrouwen Ênîten œheim, dirre vrouwen veter was. ouch wâren si beide, als ich ez las, 9724 von einer stat ze Lûte erborn. sehet, hie wart trûren verkorn. zesamene hielsen si sich dô und wâren beide ein ander vrô: daz si dâ mite bescheinten, 9729 wan si von vreuden weinten. |