Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1991 und er benamen weste
        daz er wære der beste,
        daz er hæte ellen unde kraft
        und ganze kunst ze ritterschaft,
        dô êrste wart sîn vrävele grôz.
1996 wie lützel in der nôt verdrôz!
        er was der vîende hagel,
        an jagen ein houbet, an vluht ein zagel.
         Nû was der Rômære
        von sîner manheit mære,
2001 der herzoge der in daz lant
        hete verhert und verbrant,
        vil sterker danne ein ander man.
        ouch was dem selben dar an
        sô schône gelungen
2006 daz er mit gemeiner zungen
        ze dem besten ritter wart genant
        über älliu diu lant.
        nû was daz sîn gewonheit
        daz er eine dicke reit
2011 durch justieren vür daz tor.
[ zurück ]