einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6493 und sâzen zuo ein ander.alrêrst dô bevander daz bî ir wünneclîcher jugent wonte güete und michel tugent. er jach daz man an kinde6498 niemer mêre vinde süezer wort noch rehter site: sî mohte nâch betwingen mite eines engels gedanc, daz er vil lîhte einen wanc6503 durch sî von himele tæte; wand sî sîn selbes stæte einen selhen minnen slac sluoc, die er in sînem herzen truoc, möht die ûz sînem gemüete6508 deheines wîbes güete iemer benomen hân, daz hete ouch sî benamen getân. und het er sî nie gesehen, sô wær im verre baz geschehen:6513 wand im tete daz scheiden wê. |