einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2872 dô nam er an sichsehzec gesellen, die er gelich zuo ime kleite unde wol bereite. die vuorte der tugenthafte man 2877 zuo geselleschefte dan. sînen boten er sande vor hin heim ze lande, derz sînem vater tæte kunt. ouch rante er dâ ze stunt 2882 hin gegen Karnant, sô was ir houbetstat genant, unde vant den künec dâ unde sagete im sâ waz im sîn sun enbôt. 2887 des emphienc er rîchez botenbrôt: wan ez gelebete der künec Lac nie vrœlîchern tac danne den dô er vernam daz im sîn lieber sun kam. 2892 er was rüemic unde vrô. |