Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6855 drîzec ritter über al.
        diu ros brâhte man in dô.
        zwîvelhaft und unvrô
        sô kêrte der künec balde
        engegen deme walde,
6860 daz er dem ellenden man
        ûz dem lande hulfe dan.
        nû gerieten si beide einen wec,
        an dirre sîten Êrec
        unde jenenthalp er,
6865 der eine hin, der ander her,
        daz si niht mohten bewarn
        si enmüesten ein ander widervarn:
        alsô vuoctez diu geschiht.
        nû enweste ir deweder niht
6870 umbe des andern reise:
        des kam Êrec in vreise.
        dô si noch wâren verre,
        der ellende herre
        wart vil wol gewar
6875 der gewâfenten schar,
[ zurück ]