einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius778 alsus truogen si ez hinbî der naht zuo dem sê: vor dem tage enmohten si ê. dâ vunden si eine barke ledige unde starke,783 dâ leiten si mit jâmer an disen kleinen schefman. dô sande im der süeze krist der bezzer danne gnædic ist den vil rehten wunschwint:788 si stiezen an, hin vlôz daz kint. Ir wizzet wol daz ein man der ir iewederz nie gewan, reht liep noch grôzez herzeleit, dem ist der munt niht sô gereit793 rehte ze sprechenne dâ von sô dem der ir ist gewon. nû bin ich gescheiden dâ zwischen von in beiden, wan mir iewederz nie geschach:798 ichn gewan nie liep noch ungemach, |