Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5288 den sult ir hôher heizen gân,
        iuwern lewen der hie stât:
        der andern wirdet guot rât.
        hien vihtet niemen mit iu zwein.'
        dô sprach mîn her Îwein
5293 'der lewe vert mit mir alle zît:
        ichn vüere in durch deheinen strît,
        ich entrîb in ouch von mir niht:
        werent iuch, tuot er iu iht.'
        dô riefens alle under in,
5298 ern tæte sînen lewen hin,
        mit im envæhte niemen dâ,
        und zewâre er müese ouch sâ
        die juncvrouwen brinnen sehen.
        er sprach 'desn sol niht geschehen.'
5303 sus muose der lewe hôher stân:
        dochn mohter des niht verlân
        ern sæhe über den rücke dan
        sînen herren wider an.
         Sus sint diu wort hin geleit,
5308 und wurden ze strîte gereit.